Neidio at y cynnwys
dewislen

Rydych chi ar fin gadael

Byddwn yn eich ailgyfeirio at HelpwrArian. Os byddwch chi'n gadael y gwasanaeth nawr, bydd angen i chi fewngofnodi eto gan ddefnyddio GOV.UK One Login i weld eich pensiynau.

Ydych chi'n siŵr eich bod chi eisiau gadael?

Ydw, gadael y Dangosfwrdd
betaMae hwn yn wasanaeth newydd. Rydym yn ei adeiladu a’i gwella o hyd.

Hysbysiad preifatrwydd

Beth sydd yn y canllaw hwn

1. Pwy ydym ni

Ni yw'r Gwasanaeth Arian a Phensiynau (MaPS), corff hyd braich Llywodraeth EF, a noddir gan yr Adran Gwaith a Phensiynau (DWP).

Ein manylion cyswllt yw:

  • Ebost: contact@maps.org.uk
  • post: Y Gwasanaeth Arian a Phensiynau, Bedford Borough Hall, 138 Cauldwell Street, Bedford, MK42 9AP

Mae rhagor o wybodaeth am MaPS ar gael ar wefan MaPS (opens in a new window) .

Manylion cyswllt Swyddog Diogelu Data MaPS yw:

Nôl i'r brig

2. Hysbysiad preifatrwydd

Mae'r hysbysiad hwn yn ymdrin â'n prosesu o'ch gwybodaeth bersonol fel defnyddiwr o'r gwasanaeth Dod o hyd i'ch pensiynau (Gwasanaeth Dod o Hyd) a'r Dangosfwrdd Pensiynau HelpwrArian (MHPD). Mae'n esbonio pam, a sut, rydym yn casglu ac yn defnyddio eich gwybodaeth bersonol fel rhan o weithredu'r Gwasanaeth Dod o hyd a'r MHPD.

Y Gwasanaeth Dod o Hyd yw'r gwasanaeth canolog a ddarperir gan MaPS sy'n eich galluogi i chwilio am bensiynau, rheoli cofrestriadau ar gyfer pensiynau sy'n cael eu paru â chi, ac awdurdodi mynediad at wybodaeth amdanynt drwy'r MHPD.

Mae MHPD yn wasanaeth digidol lle gallwch weld gwybodaeth am eich pensiynau i gyd mewn un lle diogel. Mae hyn yn cynnwys gwybodaeth am eich Pensiwn y Wladwriaeth, pensiynau galwedigaethol a phensiynau personol, gan gynnwys gwerthoedd cronedig a'r incwm amcangyfrifedig y gallent ei ddarparu mewn ymddeoliad.

Os ydych chi'n defnyddio gwasanaethau eraill y mae MaPS yn eu darparu, gwnewch yn siŵr eich bod yn adolygu'r hysbysiadau preifatrwydd ar gyfer y gwasanaethau hynny. Mae hyn yn cynnwys yr hysbysiad preifatrwydd ar wefan HelpwrArian. (opens in a new window) .

Pan fyddwch chi'n ddefnyddiwr prawf, dylech sicrhau eich bod yn darllen yr hysbysiad preifatrwydd defnyddiwr prawf a gawsoch.

Heb ei gwmpasu

Bydd GOV.UK One Login (y gwasanaeth hunaniaeth ar gyfer dangosfyrddau pensiynau) yn prosesu eich gwybodaeth bersonol i wirio eich hunaniaeth ar ein rhan. Mae ganddynt eu hysbysiad preifatrwydd eu hunain: https://www.sign-in.service.gov.uk/privacy-policy (opens in a new window) .

Nôl i'r brig

3. Pa wybodaeth bersonol rydyn ni yn ei gasglu?

Ystyr “gwybodaeth bersonol” yw gwybodaeth sy'n ymwneud ag unigolyn byw a nodwyd neu y gellir ei adnabod.

Er mwyn darparu'r Gwasanaeth Dod o Hyd a'r MHPD, rydym yn casglu ac yn defnyddio'r eitemau hyn o wybodaeth bersonol:

  1. Gwybodaeth bersonol a dderbyniwn gan GOV.UK One Login ar ôl i chi wirio eich hunaniaeth:
  • enw cyntaf
  • enw olaf
  • dyddiad geni
  • cyfeiriad e-bost
  • rhif ffôn symudol (os ydych wedi defnyddio ffôn symudol ar gyfer dilysu dau ffactor)
  • cyfeiriad
  • dynodwr cyfrif adnabod.
  1. Unrhyw wybodaeth bersonol ychwanegol rydych chi'n ei ddarparu i ni i gynyddu'r tebygolrwydd o gael eich paru â'ch pensiynau. Gallai hyn gynnwys:
  • Rhif Yswiriant Gwladol
  • enwau, cyfeiriadau, e-byst a rhifau ffôn eraill.
  1. I ddarparu'r gwasanaeth hwn, rydym hefyd yn defnyddio sawl dynodwr a thocynnau wedi’u ffugenwi – codau na all eich adnabod chi'n uniongyrchol, ond sy'n eich cynrychioli chi a'ch awdurdodiadau. Mae'r rhain yn caniatáu i ni eich cysylltu â'ch ceisiadau i ddod o hyd i bensiynau, pensiynau sydd wedi'u cofrestru mewn ymateb, a'ch awdurdodiadau i weld gwybodaeth am y pensiynau hyn, er mwyn galluogi'r gwasanaeth i weithredu.
  2. Dynodwyr a thocynnau wedi’u ffugenwi a dderbyniwn gan ddarparwyr pensiwn, cynlluniau a DWP os ydyn nhw'n eich paru â phensiwn. Pan fyddant yn eich paru â phensiwn, maent yn darparu dynodwr unigryw, a ddefnyddir gan MHPD i ofyn am eich gwybodaeth pensiynau gan y darparwr pensiwn, y cynllun neu'r DWP.
  3. Gwybodaeth am bensiynau gan ddarparwyr pensiwn, cynlluniau a DWP. Gall hyn gynnwys rhifau cyfeirnod polisi, mathau o bensiynau a'r gwerth diweddaraf neu'r incwm ymddeoliad a amcangyfrifir (yn dibynnu ar y math o bensiwn). Bydd yr union fanylion a ddarperir yn amrywio yn dibynnu ar y darparwr neu'r cynllun.

Nid ydym yn prosesu gwybodaeth sensitif neu gategori arbennig, megis eich rhyw, rhywioldeb neu grefydd. Nid ydym yn ymwybodol o gasglu gwybodaeth bersonol sy'n ymwneud â phlant.

Nôl i'r brig

4. Ein rhesymau a'n sail gyfreithiol dros brosesu gwybodaeth bersonol

Mae angen i ni brosesu eich gwybodaeth bersonol:

  1. Er mwyn i ni allu darparu'r Gwasanaeth Dod o Hyd a'r MHPD - heb y prosesu hwn, ni fyddech yn gallu chwilio, neu weld, eich pensiynau. Y sail gyfreithiol ar gyfer y prosesu hwn yw 'tasg gyhoeddus' – hynny yw, rydym yn ei wneud wrth weithredu awdurdod swyddogol.
  2. Ar adegau, os bydd MaPS yn ad-drefnu, mae trosglwyddiad o'i swyddogaethau i gorff arall neu MaPS yn dirprwyo darpariaeth y Gwasanaeth Dod o Hyd neu'r MHPD i gorff arall, ac mae angen i ni drosglwyddo eich gwybodaeth fel rhan o hynny. Pe bai angen i ni wneud hyn, byddai'r sail gyfreithiol ar gyfer y prosesu hefyd yn dasg gyhoeddus.
  3. Ar adegau, i gydymffurfio â rhwymedigaethau cyfreithiol yr ydym yn ddarostyngedig iddynt. Os oes angen i ni wneud hyn, y sail gyfreithiol ar gyfer y prosesu hwn fyddai 'rhwymedigaethau cyfreithiol'.
  4. Prosesu dynodwyr dan ffugenw sy'n ein helpu i ddeall sut mae pobl yn defnyddio'r gwasanaeth.
Nôl i'r brig

5. Gyda phwy rydyn ni'n rhannu eich gwybodaeth bersonol?

Efallai y byddwn yn rhannu eich gwybodaeth bersonol lle bo angen gyda'r partïon a nodir isod at y dibenion a nodir yn yr adran o'r enw Beth yw'r dibenion dros brosesu eich gwybodaeth bersonol (pam mae angen eich gwybodaeth bersonol arnom) a beth yw ein sail gyfreithiol dros wneud hynny?

  1. Ein darparwyr gwasanaeth TG a digidol gan gynnwys Capgemini UK. Maent yn prosesu eich gwybodaeth bersonol ar ein rhan.
  2. Yr Adran Gwaith a Phensiynau, er mwyn caniatáu iddynt wirio eich manylion yn erbyn cofnodion pensiwn y wladwriaeth.
  3. Darparwyr pensiwn a chynlluniau sy'n gysylltiedig â'r ecosystem dangosfyrddau. Disgwylir i hyn fod tua 100 o ddarparwyr a chynlluniau ar ddechrau'r profion, a thua 3,000 erbyn i'r gwasanaeth dangosfyrddau cyhoeddus ddechrau.

Mae ein darparwyr TG a gwasanaethau digidol yn prosesu eich gwybodaeth bersonol ar ein rhan, ac felly mae'r manylion sy'n ymwneud â phrosesu eich gwybodaeth bersonol ganddynt wedi'u nodi yn yr hysbysiad hwn. Nid ydym yn caniatáu i'n darparwyr gwasanaeth trydydd parti ddefnyddio eich gwybodaeth bersonol at eu dibenion eu hunain ac rydym ond yn eu caniatáu i brosesu eich gwybodaeth bersonol at ddibenion penodol ac yn unol â'n cyfarwyddiadau.

Mae'r sefydliadau eraill a restrir yn rheolwyr, sy'n golygu nad ydynt yn prosesu gwybodaeth bersonol ar ein rhan ac maent yn gyfrifol am y prosesu y maent yn ei wneud. Byddant yn gallu darparu eu gwybodaeth preifatrwydd eu hunain i chi.

Ar wahân i'r uchod, ni fyddwn byth yn rhannu eich gwybodaeth bersonol. Ni fyddwn byth yn rhannu eich gwybodaeth bersonol ag unrhyw un at ddibenion marchnata.

Nôl i'r brig

6. Pa mor hir ydyn ni'n cadw eich gwybodaeth bersonol?

Rydym yn dosbarthu eich gwybodaeth hunaniaeth neu fywgraffyddol (y categorïau gwybodaeth bersonol o dan adran 1 a 2 o Pa wybodaeth bersonol ydym yn ei chasglu) i ddarparwyr pensiwn, cynlluniau a DWP i'w paru, ond, ar ôl gwneud hynny, nid ydym yn storio'r wybodaeth honno ein hunain.

Rydym yn storio'r dynodwyr a'r tocynnau wedi’u ffugenwi a ddefnyddir i ddarparu'r Gwasanaeth, yn eich cysylltu â'ch pensiynau a'ch awdurdodiadau, ac yn creu adroddiadau perfformiad gwasanaeth. Rydym yn eu cadw am y cyfnodau a nodir yn adran 14 o'n hasesiad effaith ar ddiogelu data (opens in a new window) .

Byddwn yn cadw eich cyfrif defnyddiwr Gwasanaeth Dod o Hyd yn weithredol, gyda phensiynau a ddarganfuwyd yn parhau i fod wedi'u cofrestru, a chaniatâd (sy'n caniatáu i ddangosfyrddau gael mynediad i'ch cyfrif defnyddiwr Gwasanaeth Dod o Hyd) yn parhau i fod yn ddilys nes i chi ei ddirymu, cyhyd ag y dymunwch ddefnyddio'r Gwasanaeth Dod o Hyd. Mae hyn yn golygu cadw'r dynodwyr a'r tocynnau wedi’u ffugenwi sy'n cynrychioli'r pensiynau hyn a ddarganfuwyd, a'ch awdurdodiadau, cyhyd ag y byddwch yn weithredol. Os byddwch yn dewis dileu eich data neu beidio â chael mynediad i'r gwasanaeth am 5 mlynedd, byddwn yn dileu'ch cyfrif a'ch holl wybodaeth bersonol.

Pan fyddwn yn derbyn gwybodaeth am bensiynau gan ddarparwyr pensiwn, cynlluniau neu DWP, bydd eich gwybodaeth yn cael ei chadw o fewn yr MHPD yn ystod eich sesiwn. Mae hyn at ddibenion arddangos eich gwybodaeth bensiwn i chi. Mae sesiynau'n weithredol am 60 munud neu lai os ydych chi'n cau'r sesiwn cyn i 60 munud fynd heibio.

Er mwyn cefnogi profi'r gwasanaeth MHPD, ar ôl i'ch sesiwn gau, bydd dynodwyr dan ffugenw a'ch gwybodaeth bensiwn yn cael eu cadw am hyd at 30 diwrnod mewn logiau diogel. Mae hyn at ddibenion diagnosio a datrys materion a allai effeithio ar weithrediad y gwasanaeth MHPD yn ystod profion. Bydd y data hwn yn cael ei ddileu ar ôl 30 diwrnod.

Nôl i'r brig

7. Ble ydyn ni'n storio eich gwybodaeth?

Rydym yn storio'r holl wybodaeth yn y DU yn unig.

Nôl i'r brig

8. Sut ydyn ni'n cadw eich gwybodaeth bersonol yn ddiogel?

Rydym wedi ymrwymo i wneud popeth o fewn ein gallu i sicrhau bod eich gwybodaeth yn cael ei chadw'n ddiogel. Rydym wedi sefydlu systemau a phrosesau i'w diogelu rhag mynd ar goll, camddefnydd a mynediad neu ddatgeliad heb awdurdod – er enghraifft, rydym yn diogelu eich gwybodaeth bersonol gan ddefnyddio amgryptio. Mae ein systemau wedi'u dylunio a'u datblygu ar sail canllawiau arferion gorau y Ganolfan Seiberddiogelwch Genedlaethol.

Mae gennym gytundebau prosesu data gyda'n cyflenwyr i sicrhau bod eich gwybodaeth bersonol yn ddiogel ac wedi'i diogelu. Mae ein holl weithwyr a'n cyflenwyr yn ddarostyngedig i ddyletswydd cyfrinachedd.

Rydym hefyd yn cynnal gweithgareddau profi a sganio TG rheolaidd i sicrhau diogelwch ein systemau ac rydym yn meddu ar ardystiad CyberEssentials Plus dilys.

Nôl i'r brig

9. Polisi cwcis

Darllenwch ein polisi cwcis. (opens in a new window)

Nôl i'r brig

10. Eich hawliau

Rydym yn parchu eich hawl i breifatrwydd a diogelu eich gwybodaeth bersonol. Mae gennym gyfrifoldeb i ddiogelu'r wybodaeth hon a sicrhau ei chyfrinachedd, ei uniondeb a'i hargaeledd. Rydym hefyd eisiau i chi fod yn rheoli eich gwybodaeth bersonol a pharchu eich hawliau diogelu data.

Mae gennych yr hawl i:

  1. Fod yn wybodus – byddwn bob amser yn esbonio i chi pam, a sut, mae gwybodaeth bersonol amdanoch yn cael ei phrosesu.
  2. Cyrchu eich gwybodaeth bersonol – gallwch ofyn am fynediad i'r wybodaeth bersonol rydyn ni'n ei phrosesu amdanoch chi ar y manylion isod. Gallwch hefyd gael mynediad i'ch cyfrif defnyddiwr Gwasanaeth Dod o Hyd ar unrhyw adeg, sy'n eich galluogi i adolygu a dirymu eich caniatâd.
  3. Cywiro unrhyw wallau gyda'ch gwybodaeth bersonol – er efallai y bydd angen i ni wirio cywirdeb y wybodaeth bersonol newydd rydych chi'n ei darparu i ni. At ddibenion gwybodaeth bersonol a ddangoswn gan gynlluniau pensiwn, darparwyr neu DWP, bydd cywiro unrhyw wallau yn gyfrifoldeb y darparwr gwybodaeth bersonol gan mai dim ond y wybodaeth bersonol a ddarperir iddo fydd yn arddangos yn yr MHPD.
  4. Gofyn am gyfyngu ar brosesu eich gwybodaeth bersonol mewn rhai amgylchiadau.
  5. Gwrthwynebu ein bod yn prosesu eich gwybodaeth bersonol mewn rhai amgylchiadau.

Gallwch ddefnyddio eich hawliau drwy gysylltu â Swyddog Diogelu Data MaPS yn:

Nid ydym yn defnyddio gwneud penderfyniadau awtomataidd ac nid ydym yn proffilio pobl.

YNi fydd yn rhaid i chi dalu ffi i gael mynediad at eich gwybodaeth bersonol (neu i arfer unrhyw un o'ch hawliau GDPR eraill yn y DU). Fodd bynnag, efallai y byddwn yn codi ffi rhesymol os ydym yn credu bod eich cais yn ddi-sail, yn ailadroddus neu'n ormodol. Fel arall, gallem wrthod cydymffurfio â'ch cais yn yr amgylchiadau hyn.

Nôl i'r brig

11. Cwynion

Os oes gennych unrhyw ymholiadau ynglŷn â sut rydym yn defnyddio eich gwybodaeth bersonol nad ydynt wedi eu hateb yma, neu os hoffech gwyno i'n Swyddog Diogelu Data, cysylltwch â Swyddog Diogelu Data MaPS yn:

Rydym yn gobeithio y gallwn fynd i'r afael ag unrhyw bryderon sydd gennych, ond gallwch bob amser gysylltu â Swyddfa'r Comisiynydd Gwybodaeth (opens in a new window) (ICO).

Nôl i'r brig